🎭 Teatro Pastor Díaz
Un século de historia cultural
O Teatro Pastor Díaz é un dos espazos culturais máis emblemáticos de Viveiro. Foi inaugurado o 18 de xaneiro de 1920 grazas ao impulso do empresario viveirense Nemesio Barreiro Casal. O seu deseño foi obra do arquitecto Mario Páez Suárez, seguindo a estrutura clásica dos teatros italianos, con escenario, patio de butacas, palcos e anfiteatro.
Desde os seus inicios, o teatro acolleu representacións teatrais, proxeccións de cine mudo e tamén actividades sociais como bailes e veladas musicais, formando parte da vida cultural e lúdica da vila.
Recuperación e nova etapa
Despois de pasar por mans privadas durante gran parte do século XX, o Concello de Viveiro adquiriu o edificio no ano 1988. A partir dese momento iniciouse un proceso de restauración que culminou coa súa reinauguración en 2001, devolvéndolle o seu esplendor e funcionalidade. Dende entón, consolidouse como centro da actividade cultural do municipio.
Arquitectura e elementos destacados
Situado no casco histórico, sobre a Rúa Constanza de Castro, o edificio conserva a súa estrutura trapezoidal orixinal. No seu interior conta con 393 butacas e un escenario de 112 metros cadrados. No remate superior do escenario poden verse representadas as figuras de Rosalía de Castro e Pastor Díaz, nunha homenaxe á literatura e cultura galegas.
Na entrada principal atópase unha placa conmemorativa e unha pequena mostra permanente sobre a historia do teatro.
Programación e actividade escénica
A programación do Teatro Pastor Díaz abrangue espectáculos para todos os públicos. Durante todo o ano ofrécense obras de teatro infantil e para adultos, concertos, contacontos, danza e outras propostas culturais. A Concellería de Cultura promove unha cartelera diversa e de calidade, co obxectivo de achegar a cultura á cidadanía e fomentar a participación veciñal.
Un referente en Galicia
Na actualidade, o teatro é un símbolo do patrimonio cultural de Viveiro e un referente na Mariña. A súa boa acústica, a rehabilitación respectuosa coa súa arquitectura orixinal e a súa oferta escénica variada convérteno nun espazo acolledor e moi valorado.
- Contacto e entradas
- Teléfono: 982 56 01 62
- Email: cultura@viveiro.gal
- 11/10/2025
-
-
Sábado 11: Teatro Noroeste . Guerra . Rede Galega deTeatros e Auditorios (RGTA) 11/10/2025Ver máis detalles
Lugar:Teatro Pastor Díaz
Hora:20:30 h.
Duración:100 min
Clasificación: Drama
Público: Adultos 18 anos
Autor: Eduardo Alonso
Dirección: Eduardo Alonso
Escenografía: Carlos Alonso
Deseño iluminación: Eduardo Alonso
Vestiario: Carlos Alonso
Música: Bernardo Martínez
Elencoartístico: Miguel Pernas, Luma Gómez, Manuela Varela, Maxo Barjas,Sabela Hermida e Xavier Estéve
Sipnose:
A GUERRA É A EXPRESIÓN CRUEL DO FRACASO TOTAL, POR ISO NUNCA É UNHASOLUCIÓN, SENÓN O MÁIS GRANDE DOS ERROS.
Nun edificio teatral totalmente destruído por un bombardeo nunha guerra desatada no mesmo corazón de Europa, comezan a aparecer os personaxes do Teatro Universal que nel foran representados ao longo do tempo e encarnados en dous actores e catro actrices. Asi numerables referencias ás guerras no Teatro Europeu, desde Shakespeare até Lorca enchen a escena de evocadoras secuencias de caos e destrución.
Prezo entrada; 5€/ 3€ estudiantes e xubilados.
-
- 18/10/2025
-
-
Sábado 18: Magín Blanco . A nena e o grilo camiño das cores. Rede Galega deTeatros e Auditorios (RGTA) 18/10/2025Ver máis detalles
Lugar:Teatro Pastor Díaz
Hora;:18:00 h.
Duración:60 min
Clasificación: Musical
Público:Infantil A partir de 4 anos
Autor: Magín Blanco e Pepablo Patinho
Dirección:Pepablo Patinho
Deseñoson: Magín Blanco
Deseñoiluminación: Ana Díaz
Música:Magín Blanco
Elencoartístico: Montse Piñón López, Pedro Pablo Patiño Peña, JorgeCasas Caneiro, Magín Blanco García e Pablo Vidal Mendoza
Sipnose:
A Nena e o Grilo camiño das cores é unha montaxe teatral de Magín Blanco e Teatro Ghazafelhos xunto á Banda das Apertas en directo. É a última e cuarta entrega de A nena e o grilo, o musical infantil máis aclamado do panorama galego que conta con tres espectáculos previos: O País das Apertas, A Nena e o Grilo nun Barquiño e A Nena e o Grilo máis Aló.
O fío condutor desta cuarta entrega son os camiños, as peregrinacións nas que as camiñantes buscan atoparse consigo mesmas, a vida que avanza e non sabemos a onde nos leva. A Nena xunto co Grilo, Magín Blanco e O músico Pablo Vidal emprenderá unha viaxe chea de aventuras e sorpresas na que descubrirá que o seu anhelo non é outra cousa que a amizade. Unha nova entrega da saga para público familiar para viaxar ao País das Apertas!
Prezo entrada: 2€
-
- 25/10/2025
-
-
Sábado 25 : Lydia Botana. De aquí para alá coas emocións. Rede Galega deTeatros e Auditorios (RGTA) 25/10/2025Ver máis detalles
Lugar: Teatro Pastor Díaz
Hora:18:00 h.
Duración:60 min
Clasificación: Musica
Público: nfantil 3-10 anos
Autor: Lydia Botana
Dirección: Lydia Botana
Adaptación: Lydia Botana
Escenografía: Lydia Botana
Deseño son: Alberto Beade
Deseño iluminación: Gaspar Baluja
Vestiario: Lydia Botana
Música: Lydia Botana
Coreografía :Lydia Botana
Elenco artístico: Lydia Botana, Marta Figueiredo, Lúa Cadernas e Charly Drop
Sipnose:
Un proxecto didáctico musical para público infantil no que viaxamos arredor do mundo aprendendo e cantando as músicas de cada lugar facendo partícipe ó público que nos acompañe na procura de novos sons! Trátase de espertar o interese dos nenos e das nenas pola música e as culturas doutros lugares, dando valor á diversidade e por suposto, respectándoa, dun xeito divertido e didáctico na nosa lingua poñendo en valor o noso patrimonio cultural aprendendo tamén palabras noutros idiomas.
En “De aquí para alá coas emocións”, gozaremos dun novo espectáculo multidisciplinar composto de música, danza, narración oral, teatro cómico e proxeccións de animacións audiovisuais con catro artistas sobre o escenario.
Prezo entrada: 2€
-