🎭 Teatro Pastor Díaz

Un século de historia cultural

O Teatro Pastor Díaz é un dos espazos culturais máis emblemáticos de Viveiro. Foi inaugurado o 18 de xaneiro de 1920 grazas ao impulso do empresario viveirense Nemesio Barreiro Casal. O seu deseño foi obra do arquitecto Mario Páez Suárez, seguindo a estrutura clásica dos teatros italianos, con escenario, patio de butacas, palcos e anfiteatro.

Desde os seus inicios, o teatro acolleu representacións teatrais, proxeccións de cine mudo e tamén actividades sociais como bailes e veladas musicais, formando parte da vida cultural e lúdica da vila.

Recuperación e nova etapa

Despois de pasar por mans privadas durante gran parte do século XX, o Concello de Viveiro adquiriu o edificio no ano 1988. A partir dese momento iniciouse un proceso de restauración que culminou coa súa reinauguración en 2001, devolvéndolle o seu esplendor e funcionalidade. Dende entón, consolidouse como centro da actividade cultural do municipio.

Arquitectura e elementos destacados

Situado no casco histórico, sobre a Rúa Constanza de Castro, o edificio conserva a súa estrutura trapezoidal orixinal. No seu interior conta con 393 butacas e un escenario de 112 metros cadrados. No remate superior do escenario poden verse representadas as figuras de Rosalía de Castro e Pastor Díaz, nunha homenaxe á literatura e cultura galegas.

Na entrada principal atópase unha placa conmemorativa e unha pequena mostra permanente sobre a historia do teatro.

Programación e actividade escénica

A programación do Teatro Pastor Díaz abrangue espectáculos para todos os públicos. Durante todo o ano ofrécense obras de teatro infantil e para adultos, concertos, contacontos, danza e outras propostas culturais. A Concellería de Cultura promove unha cartelera diversa e de calidade, co obxectivo de achegar a cultura á cidadanía e fomentar a participación veciñal.

Un referente en Galicia

Na actualidade, o teatro é un símbolo do patrimonio cultural de Viveiro e un referente na Mariña. A súa boa acústica, a rehabilitación respectuosa coa súa arquitectura orixinal e a súa oferta escénica variada convérteno nun espazo acolledor e moi valorado.

31/01/2026
  • Sarabela teatro. O dragón de ouro. RGTA 31/01/2026

                         

    Sábado31: Sarabela teatro. O dragón de ouro. RGTA

    Lugar:TPD

    Hora:20:30h

    Duración:70 min

    Clasificación:Contemporáneo

    Público:Adultos

    Autor:Roland Schimmelpfenning,

    Dirección:Ánxeles Cuña Bóveda

    Adaptación:Catuxa Lopez Pato

    Escenografía:Iris Branco

    Deseñoson: Renata Codda Fons

    Deseñoiluminación: Laura Iturralde

    Vestiario:Ruth D. Pereira

    Música:Vadzim Yuknevich

    Coreografía:Rut Balbís

    Elencoartístico: Fernando González, Fernando Dacosta, Sabela Gago, FranLareu, Fina Calleja

    RolandSchimmelpfenning, autor de persoalísima escrita. Dramaturgocontemporáneo máis estreado en Alemaña, Director, Xornalista eProfesor de Dramaturxia. Con numerosos premios e enorme proxeccióninternacional en Europa, América e Asia.

    SINOPSE:Unha noite, nun edificio de varios pisos, nalgún lugar de Europa:unmozo chinés sofre unha forte dor de moas na cociña do restaurantede comida rápida Tailandés - Chinés - Vietnamita,O Dragón deouro. Non ten permiso de residencia e tampouco atopa a súa irmádesaparecida.

    Nobalcón, sobre o Dragón de Ouro,un ancián quere retroceder no tempomentres a súa neta, grávida, está diante das ruínas da súarelación porque o seu mozo non quere fillos.

    Nopiso de abaixo, un home, deixado pola súa muller, visita ao seuamigo,un tendeiro enigmático que obriga a unha moza chinesa áprostitución. Dúas azafatas comen no restaurante. Unha delas topa egarda unha moa que caeu na súa sopa tailandesa.

    Intercaladaentre as escenas, está inserida a Fábula da Cigarra (que nongardaba nada no verán) e pídelle á Formiga que lle dea de comer.

                         

    RESERVADE ENTRADAS:

    Deluns a xoves, noteléfono 982560162, enhorario, de 9:00 a 14,00 horas,

    ouno correo electrónico cultura@viveiro.gal, etamén na taquilla do teatro 1hora antesda función.

    Ver máis detalles
07/02/2026
  • Escena Miriñaque. tÁ. RGTA 07/02/2026

                         

    Sábado7: Escena Miriñaque. tÁ. RGTA

    Lugar:TPD

    Hora:18:00h

    Duración:35 min

    Clasificación:Xestual

    Público:Infantil +2 AÑOS

    Autor:Lorena Fernández

    Dirección:Lorena Fernández

    Escenografía:La Mula Mola

    Deseñoson: Pamela Cuenca

    Deseñoiluminación: Víctor Lorenzo

    Vestiario:Escena Miriñaque

    Música:Pamela Cuenca

    Coreografía:Lorena Fernández

    PremioNacional de Artes Escénicas para la Infancia y la Juventud sept.2024 Ministerio Cultura.

    Sipnose:

       tÁé unha obra de danza-teatro onde o realismo máxico cobra vida nunbosque no cal se naturaliza o irreal ou estraño como algo común. Osseus dous personaxes; peculiares, divertidos e sensiblesdesenvolverán unha relación de amizade baseada no crecementoemocional a través do xogo. Ao final do espectáculo convidarase asnenas e aos nenos para penetrarse no bosque dunha forma moi especial…Bailando.

    Éun espectáculo que utiliza o corpo e as onomatopeyas co fin de poñeren valor non só o que se di, senón o que se transmite. As nosaspalabras e movementos cheos de variacións, dinámicas, vibracións ematices, penétrannos a un mundo cheo de emocións.

    Ver máis detalles