O Programa de Educación e Apoio Familiar do Concello de Viveiro está dirixido a promover o benestar das familias, fortalecendo as súas capacidades educativas e prevenindo situacións de risco social, especialmente no ámbito da infancia e adolescencia.

Trátase dun servizo de carácter preventivo e socioeducativo que ofrece acompañamento profesional ás familias para mellorar a convivencia, a organización do fogar e o desenvolvemento integral dos menores.

Que é?

É un servizo municipal de prevención e apoio ás familias para favorecer o cumprimento das vosas necesidades, o benestar e a plena participación na comunidade.

Quen somos?

Somos educadoras/es familiares especializados/as no traballo con familias que formamos parte do teu equipo de servizos sociais do teu concello.

A quen vai dirixido?

• A todas as familias.
• A centros educativos, centros de saúde, outros servizos comunitarios…

Que facemos?

Orientamos e apoiamos ás familias:

na educación dos vosos fillos/as, sobre como poñer límites e normas, como mellorar as relacións familiares, como resolver conflitos, sobre recursos educativos e de apoio para a conciliación da vida laboral e familiar, etc.

Mediamos e acompañamos ás familias para que participen nos diferentes recursos do concello.

Realizamos actividades grupais coas familias tratanto temas como:

promoción de hábitos saudables habilidades sociais e comunicativas, educación afectiva e emocional, gozo do tempo libre en familia, educación en igualdade, etc.

Onde estamos?

Nos Servizos Sociais do teu concello.