Viveiro, 16 de marzo de 2026. O Concello de Viveiro foi escenario esta mañá dunha xuntanza extraordinaria da Xunta Local de Seguridade. A reunión estará copresidida por Olimpia López Rodríguez, subdelegada do Goberno en Lugo, e por Mariña Gueimunde, alcaldesa de Viveiro.
A orde do día incluíu a coordinación do dispositivo de seguridade da Carreira por Montaña Montes de Viveiro (CAMOVI), que se disputará o 18 e 19 de abril, así como o dispositivo con motivo da Semana Santa, que terá lugar entre o 27 de marzo e o 5 de abril. Ademais, analizouse a situación da seguridade cidadá e abordáronse os plans operativos da Secretaría de Estado de Seguridade
Na xuntanza participaron, xunto cos membros da copresidencia e a secretaría municipal, representantes do Concello e dos distintos corpos e servizos implicados, entre eles Policía Nacional, Subsector de Tráfico, Dirección Xeral de Emerxencias, Policía Local, Protección Civil e Bombeiros, así como representación de CAMOVI e da Xunta de Cofradías de Viv
eiro.
