A matrícula deberá realizarse de forma presencial nas instalacións da Escola Infantil ata o luns 2 de xuño
Viveiro, 18 de maio de 2025. O Concello de Viveiro informa que xa está aberto o prazo para formalizar a matrícula na Escola Infantil Municipal para o curso 2025/2026. Este trámite vai dirixido ás familias que presentaron a solicitude de praza durante o período de preinscrición, e deberá completarse de forma presencial nas instalacións da escola municipal.
O prazo estará aberto ata o luns 2 de xuño. Lémbrase que a formalización da matrícula é imprescindible para confirmar a admisión do neno ou nena.
Ademais, as familias que non solicitaran praza no seu momento poden achegarse ao Departamento de Servizos Sociais do Concello, onde poderán recoller o impreso correspondente.
