Viveiro, 7 de novembro de 2026. O Concello de Viveiro informa de dous cambios de ubicación nas próximas sesións do programa Viveiro Baila, unha actividade de baile de tarde dirixida especialmente ás persoas maiores, aínda que aberta á participación de todas as idades.
A sesión prevista para o sábado 28 de novembro trasladarase ao Centro Comarcal de Viveiro, en Lodeiro, mentres que a correspondente ao domingo 20 de decembro celebrarase na Sala Multiusos do Concello de Viveiro.
Ambas as actividades estaban inicialmente previstas no salón de actos do Conservatorio de Música de Viveiro, polo que se informa destes cambios para facilitar a asistencia das persoas participantes e evitar posibles confusións.
O Concello lembra que as sesións forman parte da programación de actividades de lecer e encontro social de Viveiro Baila e recomenda ter en conta as novas ubicacións nas próximas convocatorias.