O Concello de Viveiro non tramitará en agosto solicitudes para cesión de espazos municipais e préstamo de material

As persoas ou entidades interesadas deberán presentar as peticións con suficiente antelación para seren atendidas antes dese mes.

Viveiro, 27 de xuño de 2026. O Concello de Viveiro informa de que, durante o mes de agosto, non se tramitarán solicitudes de cesión de uso de espazos de titularidade municipal nin de préstamo de material.

Por este motivo, o Concello recomenda ás persoas, colectivos e entidades que precisen facer uso dalgunha instalación municipal ou solicitar material que presenten as súas peticións coa antelación necesaria.

A medida permitirá organizar adecuadamente a atención das solicitudes e a planificación dos recursos municipais.